Friday, December 29, 2006

கில்லி 365 - ஒரு வாசிப்புரை

தினம் நூற்றுக்கும் மேற்பட்ட பதிவுகள், பின்னூட்டங்கள் என்று வந்து கொண்டே இருக்கும் தமிழ்ப் பதிவுலகில், கில்லி போன்ற மனித திரட்டிகளின் பங்கு ஆழமானது.

அமெரிக்கா, அரசியல், உலகம் என்று ஒன்றுக்கு மேற்பட்ட வகையில் ஒரு இடுகையைப் பரிந்துரைப்பதாகட்டும், ஒரு நாளைக்கு வரும் இடுகைகளிலிருந்து பலவற்றைத் தேர்ந்தெடுத்துத் தொகுப்பதாகட்டும், இவர்களின் தன்னார்வச் சேவை நிச்சயம் பாராட்டிற்குரியது.

கில்லியின் “தமிழில் எழுதுவது எப்படி?” போன்ற பதிவுகள் புதிதாக பதிவெழுத வரும் எல்லாருக்கும் ஒரு வரம் என்றால் மிகையல்ல.


சரி, பில்டப் போதும்.. என்னை இங்கே அழைத்தது இந்த மாதிரி கதை அடிக்க இல்லை.. கில்லியின் வாசகர் உரையாக, கில்லி மூலம் படித்த, எனக்குப் பிடித்த பதிவுகளின் பட்டியல் கொடுக்கவே.

1. ரவுசு.. போட்டோவைப் பார்த்துச் சிரிச்சிட்டேன்.. புகைப்படத்தின் கவர்ச்சியில் தான் பதிவைப் படிக்கப் போனேன்..

2.
சென்னைக்கு ஒரு விவேகானந்தா கல்வி நிலையம். வலைப்பதிவுக்கு ஒரு சிறில் அலெக்ஸ்


கில்லி குழுவின் பளிச் கமெண்ட்ஸ் மற்றொரு கவரும் அம்சம்

3.
ஆனால், சொல்கிற பாய்ண்ட் ஒவ்வொன்றுக்கு, ஒரு உதாரணா கவிதையை எடுத்துப் போட்டிருந்தா, இன்னும் எளிமையா விளங்குமே..

போன்ற கமெண்ட்களை நீங்கள் ஏன் அந்த இடுகையிலும் சொல்லக் கூடாது? இடுகைக்கு நீங்கள் கொடுக்கும் சுட்டி ஒரு சில பதிவுகளில் மட்டுமே தெரிகிறதே..!

அதிலும் சில சமயம் இடுகை வந்து சில நாட்களுக்குப் பின் பரிந்துரைக்கும் போது, இந்த இடுகையை எழுதியவர் படிப்பதும், கவனிப்பதும் குறைவே என்றும் தோன்றுகிறது!

4. இதைப் போல நக்கலான புதுமைப் பதிவுகள் கண்டிப்பாக கில்லியில் இடம்பெற்றுவிடும் என்று நம்பலாம்..

5. நிகழ்வுகள் பற்றிய குறிப்புகளைச் சுலபமாகப் பெற முடிகிறது கில்லியில்.

6. இதைப் போல் இரண்டு மூன்று தொடர்புள்ள பதிவுகள், விவாதங்களை முன்வைப்பது மிகவும் பிடித்த ஒன்று. இது போல் எல்லா விவாதங்களையும் கொண்டுவரலாமே..

7. பின்னூட்டங்களுக்கும் கில்லியில் இட ஒதுக்கீடு இருக்கிறது போலும் :-D, பின்னூட்டங்களிலும் சிறந்த விவாதங்களை உள்ளடக்கிய பதிவுகளையும் கொஞ்சம் பேசலாமே..

8. ஐநாவின் மனிதவள மேம்பட்டு அறிக்கை பற்றிய எண்ணங்களைப் போன்ற சமூக விழிப்புணர்வூட்டும் பதிவுகளும் கில்லியின் சிறப்பு.

9. இதைப் போன்ற ஆறாம் திணை, குமுதம், பிபிசி என்று பிற இணைய பத்திரிக்கைகளிலிருந்து பொறுக்கி எடுத்துக் கொடுக்கும் சுட்டிகளும் மிகவும் பயனுள்ளவை.

10. நோபல் பரிசு பெற்ற முகம்மது யூனுஸ் பற்றிய பதிவுகளின் தொகுப்பு.

11. OIGக்கு விளக்கம் புரியாவிட்டாலும், இது போன்ற அந்த நாள் நியாபகம் பதிவுகளும் அவசியம் தேவை தான்..

கிட்டத்தட்ட தினம் பத்து பரிந்துரைகள் தரும் கில்லியிலிருந்து சுமார் பத்து வாசகர் பரிந்துரைகள் எடுத்துக் கொடுக்கச் சொன்னார் பிரகாஷ்.. அதனால் சமீபத்துப் பரிந்துரைகள் சிலவற்றை மட்டுமே இங்கே பட்டியலிட்டுள்ளேன்..

பொதுவாக, பரிந்துரைக்கும் விதமும், பதிவின் கருத்துக்களிலிருந்து சிறந்த பகுதியை மட்டும் எடுத்துக் காட்டும் விதமுமே கில்லியின் தனித் தன்மைகளாக இருக்கின்றன.

கில்லிக்கு என்னுடைய பரிந்துரை :-D:

1. இடுகைகளைத் தேடுவதற்கு இன்னும் வசதியான வழிமுறைகளை உருவாக்கிக் கொடுக்கலாமே.. (சினிமா விமர்சனம், இளையராஜா - இரண்டு வகையிலும் ஆங்கிலப் பதிவு அல்லாத சுட்டிகள் மட்டுமே எனக்குத் தேவை என்பது போல..)

2. தேன்கூடு தளத்தில் தெரியும் பரிந்துரைகள் போல, சின்னதொரு நிரலியை பதிவர்கள் தத்தம் பக்கத்தில் இட்டுக் கொண்டு கில்லி பரிந்துரைகளைப் பார்க்க வழிசெய்யலாம்.

3. பதிவுகளுக்கு விளம்பரம் கொடுக்கும் கில்லியிலும் கூகிள் விளம்பரங்களை உள்ளிட்டுக் கொள்ளலாமே..

இறுதியாக, இரண்டாயிரம் இடுகைகளைத் தாண்டிவிட்ட கில்லிக்கு என் வாழ்த்துக்கள்; இன்னும் கில்லி மாதிரி சொல்லி அடிக்கவும்.. :)))

கோப்புக்காக... பிரசுரமானது இங்கே

3 comments:

தெக்கத்திப் பையன், said...

புத்தாண்டு அன்னிக்கு கில்லி 365 பதிவிட்டது சிக்கன் 65 எஃபெக்ட்டை கொடுக்குதுங் காணும்..!

Ramani said...

Pons, It's nice to see all the hacks in action in tamil. I hope you will help tamil bloggers use and benefit from these hacks. (sorry, lost touch with tamil typing)

icarus prakash said...

பொன்ஸ், OIG ன்னா, 'ஓல்டு இஸ் கோல்டு' ங்கறதோட சுருக்.