Thursday, December 21, 2006

டைம் இந்த வருட மனிதர் 2006

அமெரிக்காவின் டைம் பத்திரிக்கை வருடாவருடம் "இந்த வருட மனிதர்" என்ற பட்டத்தை யாருக்காவது அளிப்பது வழக்கம். இந்த வருட மனிதர் யார் தெரியுமா? காலரைத் தூக்கி விட்டுக் கொள்ளுங்கள். இந்தப் பதிவைப் படித்துக் கொண்டிருக்கும் நீங்கள் தான்.

ஆம்.. டைம் இந்த வருடம் தேர்ந்தெடுத்திருக்கும் இந்த வருட மனிதர், "YOU" - இணையத்தில் எழுதும், படிக்கும், பங்களிக்கும் அனைவரையும் இந்த வருட மனிதர்களாகத் தேர்ந்தெடுத்திருக்கிறது டைம். விக்கிபீடியாவில் எழுதுபவர்கள், யூ ட்யூப்பில் புதுப் படங்கள் இடுபவர்கள், பதிவெழுதுபவர்கள், என்று தனித்தனியாக இணையத்தில் தகவல் சேர்க்கும் ஒவ்வொருவருக்குமே இந்த அங்கீகாரத்தை அளித்துள்ளது டைம். கண்ணாடி போன்ற அட்டை வடிவமைப்பில் வாங்குபவர் முகம் தெரிவது போல் அமைத்து உண்மையாகவே "நீங்கள் தான் இந்த வருட மனிதர்" என்கிறது.




பொதுவாக தனி மனிதர்களையே தேர்ந்தெடுக்கும் டைம், 1982இல் கணிப்பொறியையும், 1975இல் எல்லா அமெரிக்கப் பெண்களையும், 1966இல் இளைய தலைமுறையையும், 1950இல் போரிடும் அமெரிக்கர்களையும் என்று கூட்டாகவும் தேர்ந்தெடுப்பதுண்டு

இணைய சமுதாயத்தை "இந்த வருட மனிதர்" ஆகத் தேர்ந்தெடுத்ததற்கு அதே இணைய சமுதாயத்திலிருந்து எதிர்ப்புக் குரல்களும் வரத் தொடங்கிவிட்டன. கிட்டத் தட்ட 85 சதவிகிதத்தினர், அனுபவங்கள் நிகழ்வுகளைப் பதிவு செய்ய மட்டுமே இணையத்தில் பக்கம் வைத்திருக்கும் பொழுது, இது போன்ற சமுதாயத்தை "இந்த வருட மனிதராக" தேர்ந்தெடுத்திருப்பது எந்த விதத்தில் நியாயம் என்கிறார்கள் சிலர்

ஒரு சமுதாயத்தை, மிக அதிக எண்ணிக்கையிலான மக்களைச் சுட்டிக் காட்டித் தப்பிக்கும் செயலாக இதைக் கண்டிக்கின்றனர் சிலர்.

யூ ட்யூப் மாதிரியான இலவச ஒளிப்படச் சேவைகளால், படங்களின் வசூல் பாதிக்கப்படுகின்றதென்றும் திருட்டு விசிடிக்களைவிட ஆபத்தானதாக இருக்கிறதென்றும் புலம்புகின்றனர் சிலர்.

டைம் சொல்வதை எல்லாம் பெரிதாக எடுத்துக் கொள்ளக் கூடாது. வழக்கம் போல் வருடக் கடைசியில் சும்மா ஏறுக்கு மாறாக சொல்வதற்கென்றே ஏதாவது விருது கொடுப்பார்கள் என்றும் சிலர் கருதுகின்றனர்.

3 comments:

Boston Bala said...

OpinionJournal - Only You: "Wow, Time magazine really is out of touch with the Internet age. ... In unconnected phone conversations over the weekend, nearly a half dozen people joked to me that they were going to put "Time 2006 Person of the Year" on their resumes."

ஜி said...

எனக்கும் கிடைத்தது ஒரு அவார்டு...

உடனே ஒரு லெட்டர் போட்டு சர்டிஃபிகேட்ட கேட்டு வாங்கனும் :)

சுந்தர் / Sundar said...

நானா? நிஜமாவா சொல்லுறிங்க !

தொடரட்டும் உங்கள் Blog பணி ..